Quran aur Hadees ki rOshni me Parde ka Hukum

1081356_580806098664206_584567436_n-min

Daleel aur hikmat be-libasi mana hai.

Aye Adam ki Aulaad! Hum ne tumahray liye libaas paida kiya hai jo tumahre qabil e parda badan ko chupata hai.Aur Taqwe ka Libas sabse badh kar hai. [Surah Aara’f 7:26]

Ayai Nabi(SAW) apni biwiyoo,aur apni baaitiyoo ko aur mominoo ki auratoo ko ferma dain keh woh apne oper apni chadrain dal liya karain yeh qareeb ter hai keh un ki pahchan ho jai to unhain na sataya jaye aur Allah bakhshne wala nihayat maherban hai.(SORAH AHZAB-59)

Aur jab tum un(Nabi(SAW) ki biwiyoo) sai koi cheez mango to un sai perdai kaii peechai sai mango.Yeh bat tumharai aur un ke diloo kai liyai zayadah pakeezah hai.(SORAH AHZAB-53)

Aur Bemaqsad Ghar Se Niklna Mana Hai-

Aur gharo me qarar se raho. Aur sabiq dor jahiliyat ki saj dhaj na dikhati phiroo. [Surah Al Ahzab 33:33]

CHEHRE KA PARDA-

Daleel No-1

“Sayyada Asma Binnat e Abu Bakar (raziallahotalaanha) farmati hen k “Hum apne chehro ko mardo se chupaya karti thee”.. (Sahih Ibn e Khuzaima-269)

Daleel No-2

“Hazrat Ayesha r.a farmati hain k safr_e_hajj mai jab ham ahraam bandhnay ja rahi hotin to jab b hajjaj k qafilay hamaray samnay se guzertay to ham chehray per chadar khainch liya karti thin.or jab qafilay guzar jatay to phir ham chehray khol letin”.

SUNAN_IBN_MAJAH-KITAB_UL_MANASIK-BAAB_UL_MEHRMAAT-HADEES 2935.

Daleel No-3

Sahi Bukhari o Sahi Muslim Or kuch hadees ki kitabo men ye riwayat hey k jab Sayyada Ayesha (raziallahotalaanha) par tohmat lagai gai to Allah Tala ne Sure Noor men in k liye “Barraat” nazil ki. ye waqeya “Ufaq” k naam se hadees ki kitabo me bohat mashhoor hai. is me hai k “Sayyada Ayesha (raziallahotalaanha) ne Jungle se wapis akar jab dekha k qafla chala gaya to woh wahi akar beth gai or so gai. Subha ko jab Hazrat Safwaan Bin Muattal Asalmi (raziallahotalaano) ka guzar waha se howa to 1 soye howe insan ko dekh kar us taraf aaye. Sayyada Ayesha (raziallahotalaanha) farmati hen k Jab Safwaan udhar aye to unho ney mujhe dekhtey he pehchan liya. Kyunke parde k hukum se pehle woh mujhe dekh chuke they. Mujhe pehchan kar unho ney “innalillahewainnaaleherajeooon” parha to un ki awaz se meri ankh khul gai or mene apni chadar se apna chehra dhaank liya.

(SAHI BUKHARI- KITAB AL-TAFSEER-475 ; SAHI MUSLIM KITAB AL-TAUBA-277).

Daleel No-4

Ek khatoon jin ka naam umme khallad razi Allah taala tha’ Nabi akram sale Allah aleh wasallam ki khidmat mein apne betay ka jo qatal ho chuka tha anjaam daryaft karne ayen aur wo naqaab pehnay hue thi. Nabi akram sale Allah aleh wasallam ke aik sahabi razi Allah taala ne un ki is istiqamat pr tajjub karte hue kaha ke naqaab pehan kar aap betay ka haal daryaft karne aayi hain,to unho ne is ke jawab mein farmaya ke mera beta mara hai meri haya nahi mari hai. is ke baad Rasool Allah sale Allah aleh wasallam ne un ko taslli di ke tumahre bete ko do shaheedon ka ajar mile ga. unhon ne daryaft kiya ke aisa kiyon hoga ya Rasool Allah sale Allah aleh wasallam? Aap ne farmaya Isliye ke usko Ahle kitaab ne qatal kiya hai “.( Abu Dawud )

ZEENAT:

Zaib o zeenat aur Araish ko zahir karna mana hai.

“Apni zeenat ko khula na rakhain”..[Surah Noor:31]

AANKHON KA PARDA:

Mard aur Aurat ke liye aankh ka parda laazmi hai.

“Aap sww musalman mardon se kah dain ke woh apni nigehain neechi rakhain.

“Aap sww musalman auraton se keh dain k wo apni nigahain neechi rakhain”. [Surah Noor:24:30-31]

“Huzaifa r.a se riwayat hai k Nabi sww ne farmaya k NIGAAH ‘ iblees k zehar alud teeron mai se aik teer hai.jo isay meray khaof se chor day ga mai usko meray khaof se aisa eman ata karu ga k jiski mithaas wo apnay dil mai mehsus karay ga”..
MUSTADRAK HAAKIM. PAGE 314.

AURAT KI AWAZ KA PARDA :

Aurton ki aawaz ka bhi parda hai.

Guftagu mein mulaimat nah karo kay jis ke dil mein khout hai woh lalach kare balkay maqool andaaz se baat karo. [Surah Ahzab 33:32]

AURAT KA KHUSHBU LAGANA:

“Aurat k liye khushbu laga ker ghar se nikelna jayez nahi.jo aurat aisa kerti hai wo bad_kaar hai”..

TIRMIZI, HADEES -2786. SUNAN_ABU_DAWUD, HADEES- 4173.

Be-parda aurat shetan ka shikaar hai.Aurat parda ki cheez hai jab woh ghar se bahar nikalti hai to shetan is ki taak jhaank karta rehta hai. (Tirmizi )

Mai apni tamam muslimah behnon se kehna chahun gi k parda ko apni naik niyati or khuloos samajh kar istimaal karain na k apne oper aik pabandi samajh ker.

Aaj kal boht sari muslimah behnain jo khud per jabbr kar k parda karti hain.ya unke parday ki wajah unkay ghar walon ki sakhti hoti hai.be shak ghar walo ko chahiye k unko parday ka hukm dain magr sirf sakhti se nahi balke samjha ker. Deen ki taraf la ker.unko btayen k aik momina or or ghair muslim aurat mai kya farq hota hai.unki rughbat quran-o_deen ki taraf dilayen.aaj kal muasharti bay raah_o_rawi ki sab se bari wajah yehi hai k khud walaidain or ghar walay hi deen se door hain.Allah ka khof kare aur parde ki pabnaddi kare aur gharo me Deen ka mahol bnaye rakhe.

kuch lOgo ka khayal hai ke “parda to aankh ka hota hai”.”sari baat niyat ki hoti hai”.”aaj kal to parday waliyan zyada kharab hain” etc etc.ye sab jahilana or munafiqaana rawaiye hain.or in sab ki wajah hai deeni ilm ki kammi.Azwaj e Mutahrat ko apna Ideal banaiye aur Unki zindgi se sabaq lein.aur parde ki Ahmiyat ko samjhein meri Bahno.

Kahin aisa na ho ke Apko jab pahli baar parda udhaya jaye to wo parda Apka KAFAN ho.isse pahle hi apni zindgiyo me parde ka ahtemam krein aur dusri bahno ko bhi iski Hidayat karein.

JazakALLAH Khair-

Prepared By: A.Sayed .pin-red-line-page-dividers-on-pinterest-ugTG16-clipart

KHWATEEN KE MUTALLIK AHAM ARTICLES:- https://iqrakitab.wordpress.com/category/ladies-wing/
Advertisements

Posted on January 7, 2014, in Ladies' Wing and tagged , , , , , , , , , , , , , , , , , , , , , , , , , , , , , , , , . Bookmark the permalink. 4 Comments.

  1. Bahot khoob…aap ne haqeeqat bayan ki hai jo aaj aam ho gaya hai…..ye baat mai khud bhi bahot bar sun chuki hoon k aankho ka parda hai aur parde waaliya hi zyada kharab hoti…ye sab deen se doori k sabab hi ho raha hai……

    Like

  2. Masha Allah brother , I have just seen your blog. You are really doing a great job. I have seen some information regarding parda.
    May Allah help you in doing the right cause. Jazak allahu khair

    Like

  3. MASHALLAH very nice info but i want to ask face hide krna ya dhanpna frz hey ya mustahib? Mtlb agr kbi hm ce iss mamly mn bhool chok hojye tu hm gunahgar honge kyun k i heard qayamyt k dn dozak mn sbce ziada jany wali beparda aurten honge soo plz tell me is it fard ?

    Like

  4. Ma sha Allah bahut achi website hai ye.. Lekin islam me chehre ka parda farz nahi mustahab hai… kyuke koi bhi farz chiz hajj me ya namaz me haraam nahi ki jasakti.. aur ye hum sab jante hain ke namaz me aur hajj me chehra kholna haraam ( forbidden ) hai.
    To aam dino me wo ( chehra dhankna) farz nahi hoskata… Ye farz sirf azwaje mutahharat ke lie tha… aam aurto ke lie nahi.. and Allah knows best..

    Like

Let's Hear It!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: