SALAFI KA LAKAB- QURAN, SUNNAH, SALAF AUR ULEMA E DEEN KI RAAE

1795770_479744132148197_472776225_n

ALHAMDULILLAH, WASSALATO WASSALAM ALA RASOOLALLAH..

Allah pak Quran me farmate hai: 

..Aur hamne yeh kitab nazil farmaee hai jiss mein her cheez ka shafi biyan hai aur hidayat aur rehmat aur khuskhabri hai musalmanon kay liye.
(al Israa :89)

RasoollAllah Sallallhu Alaihi Wasallam ne farmaya
” Sabse behtar amr (amal ke liye) Allah ki kitab hai aur sabse behtar tareeqa Muhammad Sallallahu Alaihi Wasallam ke tareeqa hai sabse badtareen kaam Deen mein nayee nayee baton ka paida karna hai aur har Nayee baat gumrahi hai…”
Sunan Ibn Majah, Vol 1 , # 45 (Sahih)

Muslim ummah me ek groh hai  jab ham unse puchte hai ki  ap kaun ho wo kahte hai ki ham ahle hadith  hai. So mai puchta hu ki ahle hadith ka matlab kya hota hai. Wo kahte hai ki ham Quran aur sunnah wale hai, Quran aur hadith wale. Fir mai ne kaha sahi hai..lekin agar ap ahle hadith kahte hai to mai apne ap ko ahle sahih hadith kahna chahunga kyuki mai sirf Quran aur sahih hadith ki  pairwi karta hu.. Yaha dusre muslims bhi hai jo zaif hadith aur maudu hadith ko follow karte  hai.. isiliye mai ahle sahih hadith hu agar ap hame kuch bulana chahe.

So mai in logo se puchta hu ki agar ap Quran aur  hadith ko mante hai to Quran ki konsi ayat kahti hai ki apne apko ahle hadith kahna chaiye ya Hadith ki konsi riwayat kahti hai ki apne ap ko ahle hadith bulana chaiye. Unlogo se ye sawal puchne ke baad koi jawab nahi aata.
Toh ab jab Kyuki Quran ya sunnah ki koi daleel nahi hai isliye mai  apne ap ko ahle hadith nahi kahta aur isi liye mai pakka ahle hadith hu..ap log kachhe ahle hadith hai.
Ab ye aql ki hi to baat hai ki jab ap Quran aur hadith pe amal karna ka  dawa karte hai to koi bhi Quran ki ayat ya sahih hadith me nahi hai ki apne ap ko ahle hadith bulana chaiye.

Ek aur groh ke log hai ahle hadith ke hi tarha jo apne ap ko Salafi kahte hai. Main Puchta hu ki salafi ka matlab kya hai to wo kahte hai ki Salafi ka matlab Salaf as saliheen ki pairwi karna. To mai kahta hu ki wo to mai bhi salaf as saliheen ki pairwi karta hu. Ham Allah ki itat karte hai aur Rasool ki itat karte hai aur salaf as saliheen ki pairwi karte hai. Par fir mai puchta hu ki kya Quran ki koi ayat hai jo kahti hai ki apne ap ko salafi kahna chaiye. Wo kahte hai nahi. Fir mai puchta hu kya koi Sahih hadith hai jo kahti hai ki apne ap ko salafi kahna chaiye. To woh kahte hai: Nahi. LEKIN ek mere salafi dost hai jisne mujhe ek hadith di usme Rasool Allah ne kaha: Mai Ek Salaf Hu. Aur unhone daleel di SAHIH MUSLIM!!!

Maine chq kiya to wo hadith Sahih Muslim me maujud thi. Par wo adhi hadith thi. Puri hadith ye hai ki RasoolAllah s.a.w. apni beti Fathima r.a. se kahte hai ki MAI TUMHARA BEHTAREEN SALAF HU.
Ab mere samajh me ye nahi ata hai ki  is hadith se ye kaise sabit hota hai ki apne ap ko salafi kahna chaiye. Is hadith me RasoolAllah kah rahe hai apne beti Fathima r.a. se ki Mai tumhara behtareen salaf hu, ye nahi kah rahe hai ki mai SALAFI hu.
SALAF aur SALAFI me boht fark hai.

Fir bhi aiye ham is hadith ko samajhte hai

Sahih Muslim hadith:
“Mohammad s.a.w. apni beti se kahte hai ki Mai tumhare liye ek behtareen salaf hu.”

Is hadith me ek baap apni beti se kah raha hai ki Mai tumhare liye ek behtareen salaf hu. Ab Alfazi taur par salaf ka matlab purvaj(forefather) hota hai.
So agar mai apni beti se kahta hu ki mai tumhara salaf hu to isme koi dikkat nahi. Ek Arab eesai agar apni beti se kahta hai ki mai tumhara salaf hu to isme koi dikkat nahi hai. Toh Alfazi taur par koi dikkat nahi hai lekin Islamic taur par hamlog ko ye kahna galat hai kyuki ham salaf nahi hai ham khalaf hai aur ye baat khud salafi ulema tasleem karte hai. Khalaf ka matlab jo  salaf ke baad me aye. Islamically taur par salaf sahaba, tabaeen aur tabe-tabaeen ko kahte hai. Isliye ham salaf nahi ho sakte ham khalaf hai. Ham salaf ke baad me aye hai.

Kuch log kahte hai ki hame apne apko salafi isliye kahna chaiye kyuki Ab Islam me boht se group aa gae hai aur RasoolAllah ke zamane me group nahi the sirf ek Islam tha. Aiye dekhte hai iski kya haqiqat hai:

Hame Quran, Sunnah aur tarikh se pata chalta hai ki:

RasoolAllah ke zamane me Munafik log the, wo munafik the sahabao ne fir bhi apna lakab nahi badla. Unke zamane me khariji(Khawarij)  bhi the, wo apne ap ko khawarij kahte the par sahaba fir bhi apne apko muslim kahte the. Kya sahabao ne kaha ki chalo apne ap ko naya naam dete hai? NAhii!!! sahaba apne ap ko fir bhi sirf muslim kahte the. Rasool ke zamane me Mutazali(Mutazalites) bhi the lekin sahaba ne fir bhi apne ap ko sirf muslim kaha. Toh RasoolAllah ke zamane me bhi ikhtilaf tha fir bhi unlogo ne apne ap ko sirf Muslim hi kaha.

Baki jo baat rahi apne ap ko salafi kahne ki TO MERA SAWAL!!! Kaun sa salafi?? Kya apko pata hai Ab salafio me bhi groh(groups) hai. Kya mai apne ap ko Kutubi salafi kahu ya Madkhali salafi ya Sururi salfi. Mai aur bhi salafio ke naam bata sakta hu. Ab salafio me bhi boht se groh ho gae hai. Aur agar ap UK jayenge- Ma shaa Allah!! SubhanAllah!! Allahu akbar, waha par boht se groh hai salafio ke andar, ek salafi dusre salafi se jhagadte hai aur ek salafi dusre salafi ko Kafir kahte hai. Nauzbillah!

So ab sawal ye hai ki ap kaun se salafi ho. Dekhye ap jo bhi lakab apne ap ko de use tafrakka(divisions) hona hi hai. Jab Shia aye logo ne kaha ki ham sunni hai, fir se ek groh bana ahle sunnah wal jamaah, fir usme bhi batwara hua- hanafi, shafi, malaki, hambli aur ab ham aye hai salafi aur ahle hadiths ko lekar. Aur ab isme bhi batwara hai. Jo bhi ham lakab apne apko denge usme tafarruku hona hi hai. Yaha tak ke Allah ne jo hame naam diya hai Muslim usme bhi divisions honge aur Allah ke Rasool ne hame bataya tha ye. Hame aisa nahi sochna chaiye ki jo lakab ham denge usme  tafarraku nahi hoga. Kya ap sochte hai ki Allah ko nahi pata tha ki Muslim Ummah bategi? Allah ko beshak pata tha, Allah ke Rasool ne hame bataya bhi fir bhi Rasool ne ye nahi kaha ki batware ke baad apne ap ko ahle hadith kahna ya salafi kahna.
Agar ap Mumbai jayenge to waha ahle hadiths ke 2 groh hai- pahla Jamiat ahle hadith aur dusra Gurba ahle hadith. So ab ham apne ap ko kaun sa ahle hadith kahu?? Ek ahle hadith dusre ahle hadith par ilzaam laga raha hai. Aur maine abhi jaldi hi ek kitab padhi hai “TRUE SALAFI” ke naam se. Ab ye True salafi kya hai??? Allahu alam

Kuch log aur hai jo kahte hai ki salafi short cut hai. Ye kahne ke bajae ki ham Quran, hadith aur salaf ke tarike par amal karte hai. Ham short me bolte hai ki ham salafi hai. AB MERA SAWAL:

Salaf as-saliheen behtar hai ye Muhammad s.a.w. behatar hai. Zahir si baat hai Muhammad s.a.w. to fir apne apko salafi kyu kaho balki Mohammadi kaho!! Ab Muhammad s.a.w. bade hai ya Allah. Zawab hai Allah..To jo apni khwahishe Allah ko saupta hai use Muslim kahte hai. To Muslim kya na kahe apne apko.

Aur jab ap Kerela jayenge to waha ahle hadith nahi kahte waha apne apko Mujahideen kahte hai, kerala nadvathul mujahideen (KNM) Jo ki Ahle Hadith manhaj se talluk rakhte hai.
Agar ap Saudi Arabia jayenge to waha ahle hadith nahi kahte apne apko, waha boht kam log jante hai ki ahle hadith kise kahte hai, waha wo apne ap ko salafi kahte hai. Lekin ham jante hai ki ahle hadith aur salafi ek hi hai lekin sirf naam fark hai. To Jab kuch log kahte hai ki apne apko salafi kaho to kya india ke ahle hadith salafi nahi hai???
To hame pata chala ki Salafi se behtar Muhammadi hai aur Muhammadi se behtar Muslim hai. So isi liye hame apne apko sirf Muslim kahna chaiye, awwal me Muslim aur aakhir me muslim!!!

JAHA TAK ULMA E DEEN KI RAAE HAI. TO APNE APKO SALAFI BULANE ME ULEMAO ME IKHTILAF HA. IS MUAMLE ME ULEMA DO GROUP ME BATE HAi. Ek group ke ulema kahte hai ki apne apko salafi kahna farz hai aur unmese hai  Sheikh Albani, Sheikh saleh al Fawzaan. LEKIN DUSRE GROUP KE ULEMA BHI HAI JO KAHTE HAI KI APNE APKO SALAFI KAHNA GALAT HAI. ULMA JO QURAN, SUNNAH AUR SALAF AS SALIHEEN ME YAKEEN KARTE HAI.

Sabse pahle mai unka hawala dena chahta hu jise salafi boht zyada ehtram dete hai- SHEIKH IBN TAYMIYYA

Ek kitab hai “CALL TO ISLAM AND THE CALLER” naam se jisme 40 hadise hai. Sabse aakhri hadith jisme likha hai:

RasoolAllah ne farmaya : Mai tumhe paanch bato ka hukm deta hu jinka Allah taala ne mujhe Hukm diya hai. Pahla hai Jamaah, dusra hai itaat karna, teesra hai sunna, chautha hai Hijrat aur panchwa hai Jihad karna Allah ke raah me.

 Aur  jo shaks balisht barabar bhi Jamaah se elaida hua us ne goya Islam ki Tauk apne gardan se utaar fenka magar us surat me ke jamaah me wapis aajae aur puri tarah ameer ki itat kare.

aur jo bhi Islam ke zamane me jahiliyat ke naam se pukarna shuru kar de to wo dozakh me dale jane wale Khush wa khishak me honge

Ek shaks ne arz kiya: Ya RasoolAllah! agarche wo namaz padhe aur roza rakhe. Apne farmaya agarche wo namaz padhe aur roza rakhe. Pas tum apne aap ko us naam se pukaro jis naam se Allah ne tumhe pukara hai. Usne tumhara naam MUSLIM, MOMIN AUR ABDULLAH (ALLAH KA BANDA) RAKHA HAI .
Sunan Tirmidhi, – Vol. 1, Book 42, Hadith 2863. (Sahih)
YE HADITH SAAF TAUR PAR KAHTI HAI KI AGAR AP APNE APKO IN 3 NAAMO KE ALAWA KUCH AUR BULATE HO TO APNE APKO JAHANNAM ME BULA RAHE HO.

Sheikh Ibn Taymiya kahte hai is is hadith ki tafseer me ki

“Ek salaf kahte hai ki mujhe pata nahi ki indono chiz maise mai Allah ka shurk kis chiz par zyada karu, Mujhe Islalm me lane ke liye ya mujhe Gumrahi se dur rakhne ke liye.
Aur tum apne apko kisi naam(lakab)se nahi bula sakte siwae jo tumhe Allah ne naam diye hai Quran me aur wo hai- Muslim, Momin aur Abdullah.”

Al Wasiyat Al Kubra, Chapter- Muqtalif Naamo Ki Taraf Mansoob Hokar Ummat Me Tafarruqa Paida Karna, Page- 75.
 
Ye hai kahna Sheikh Ibn Taymiyya ka. Kuch logo ko galat famy hai ki Sheikh Ibn Taymiya ne kaha ki apne ap ko salafi kahna chaiye. Ye baat bilkul galat hai aur upar ke dalail se ye sabit hota hai, Sheikh Ibn Taymiya kahte hai ki hame salaf as saliheen ki pairwi karni chaiye, To yeh to mai bhi kahta  hu. Sheikh Ibn Taymiyya ne kabhi nahi kaha ki apne ap ko salafi bulao.

Ab Dusre ulma jo kahte hai ki apne ap ko salafi kahna galat hai wo hai SHEIKH IBN UTHAYMEEN .

Ek kitab hai Sheikh Ibn Uthaymeen ki jiska naam “Until when will we differ” hai  jisme likha hai:

Ek Indian Sheikh Ibn Uthaymeen se ek sawal karta hai:

Sawal karne wala shaks- Mere Mulk me log “Ikhwani” aur “Tableegi” ke taraf bulate hai. Kya wo haq par hai ya batil par?

Sheikh Ibn Uthaymeen- “Agar koi shaks “Ikhwani” “Tableegi” ya SALAFI ke taraf bulata hai to wo BATIL hai.

 Taken from the book ‘Until when will we differ’, page-36 by Sheikh Muhammad bin Saalih al-‘Uthaymeen. 

SO AB MAI SHEIKH IBN UTHAYMEEN KA FATAWE KI PAIRWI KARTA HU. TOH AB AGAR KOI BHI SALAFI MUJH PE UNGLI UTHATA HAI TO USE PAHLE SHEIKH IBN UTHAYMEEN PAR UNGLI UTHANA PADEGA.

AUR kuch log kahte hai ki Sheikh Ibn Uthaymeen kahte hai ki apne ap ko salafi kahna chaiye. Par ye bilkul galat hai Sheikh ye kahte hai ki hame salaf as saliheen ki pairwi karna chaiye aur ye to mai bhi kahta hu.

Ye hai Sheik Ibn Uthaymeen ka video hai jisme wo batate hai ki Salaf as saliheen ki pairwi karna aur Apne ap ko salafi kahna ye 2 alag chiz hai: https://www.youtube.com/watch?v=PAwdFii9gKI

Toh ham ye Tasleem karte hai ki salaf ke manhaj ki pairwi karni chaiye. To Manhaj ke talluk se mai salafi hu par lakab ke talluk se mai sirf Muslim Hu. Awwal me Muslim aur Akhir me Muslim jaise hamare Rasool aur sahaba the .

Aur salafi bhai ek hadith dete hai:

“Hazrat Abu hurairah raziallah anha jo mashoor sahabi hai, unhonay apnay aap ko AHLE-HADEES kaha hai.
“Ashaab” jild 4 , page 204 , aur Padhoo “tazkirat ul hifaz” jild 1 , page 29 , aur padhoo “Tawarikhi Bagdad”, jild 9 , page 467 “

Is hadith me Abu Hurairah amalan taur par kah rahe hai ki mai ahle hadith hu na ki lakabi taur par. Is hisab se to mai bhi ahle hadith aur salafi hu amalan taur par, aur sirf ahle hadith aur salafi hi kyu mai namazi bhi hu kyu ki mai namaz padhta hu aur mai rozedaar bhi hu kyuki mai roze rakhta hu alhamdulilah. Aur sirf yahi kyu mai hanafi, maliki, shafi, hambly hu kyuki mai in Imamo ki baat ki pairwi karta hu. Sath-sath mai sunni, ahle-sunnah, ahle-tawheed ye sab hu alhamdulilah, lekin sirf amalan taur par na ki  lakabi taur par. Lakabi taur par mai sirf MUSLIM hu, awwal me Muslim aur aakhir me Muslim jaise hamanre pyare Rasool aur sahaba the!!!

Isi liye Shaykh Muhammad ibn ‘Uthaymeen farmate hai

Salafiyyah ek khas Jamaat ke taur par jiski alag khushusiyat ho jisme log un logo ke siwa sabko gumraah kahe, in logo ka salafiyyah se kuch lena-dena nahi hai. Jaha tak ke salafiya jiska matlab salaf ki pairwi karna eeman me, kalimaat aur aamaal me, ittihad, mutabqat aur shafkat aur muhabbat ke taraf bulana jaisa ki RasoolAllah ѕαℓℓαℓℓαн нυ αℓαyнє ωαѕαℓℓαм ne farmaya: “Momin ke Misaal ek jism me Muhabbat, rahmat aur shafkat ki tarha hai; jab koi ek hisse me takleef hoti hai toh fir baaki hissa bhi us ke sath jaagta hai aur bukhar me shamil ho jata hai- YE ASAL SALAFIYYAH HAI

[Liqaa’aat al-Baab al-Maftooh, 3/246]

Mai apni bato ko do hadiths se khatam karna chahta hu:

Arfaja r.a. kahte hai ki RasoolAllah ne farmaya Ek waqt ayega jab buri chize hongi muashre me aur jab bhi kabhi koi shaks Muslim Ummat ke Ittehad(unity) me khalal(disrupts) dalta hai toh us par Talwaar se hamla karo chahe wo koi bhi ho aur agar wo fir bhi nahi rukta to uska katl kardo.
Sahih Muslim, The Book on Government (Kitab Al-Imara) [020:4565].

Hudhaifa bin Al-Yaman riwayat karte hai ki Log RasoolAllah se Khair wa bhalai ke mutallik puchte the aur mai apse burai ke bareme pucha karta tha, Is dar se ki kahi mai usme mubtilah na ho jau chunanche mai ne arz kiya: Ae Allah ke Rasool! Ham jahalat aur burai me mubtilah the ke Allah tala ne hame ye bhalai aur khair ata farmaya toh kya us khair ke baad fir koi shar(burai) hai? Ap ne farmaya: Ha, Maine arz kiya Kya us shar ke baad bhi koi khair hai? Apne farmaya: Ha aur usme aur kharabi aur mail hai . Mai ne arz kiya: Us ki mael kya hai? Apne farmaya: Aese log jo meri sunnat ke elawa dusre tarike par chalenge aur mere hidayat ke elawa kisi nayi chizo ko ghadenge, un ke baaz aamaal ko mana jayega aur baaz ko na-pasand kiya jayega. Mai ne arz kiya: To kya is khair ke baad bhi koi shar hai? Ap ne farmaya: Ha, Jahannam ki darwaze par khade nigahbaan unlogo ki baat maanne walo ko jahannam me jhok denge. Maine arz kiya: Ae Allah ke Rasool! Hamare liye unka hal bayan farmae. Ap ne farmaya: Acha, wo hami maise honge, hamari hi zuban bolenge. Maine Arz kiya Ae Allah ke Rasool! Agar mai wo zamana paya to ap mujhe kis baat ka hukm farmate hai?
AP NE FARMAYA: MUSALMANO KI JAMAAH AUR UNKE EEMAAM KO LAZIM PAKDE RAKHO.
MAINE ARZ KIYA: AGAR MUSALMAN KI JAMAAH AUR UN KE IMAM NA HO TAB MAI KYA KARU?
AP NE FARMAYA: TAB UN TAMAM FIRKO SE JUDA HO JAO AGARCHE TUMHE DARAKHT KE JADO KO DANTO SE CHABANA PADE, HATTA KE US SABIT KADAM KE HALAT ME TUMHARI MAUT AA JAE.

Sahih al Bukhari, Virtues and Merits of the Prophet (pbuh) and his Companions[56:803].

gggg

Taken From a lecture of Dr. Zakir Naik [Unity in Muslim Ummah]

Related articles:

۩ IMAM BUKHARI KA AHLUL HADITH KO JANNATI JAMAAT KAHNA
۩
 Salafiyat Ka Taaruf – Sheikh Ibn al Uthaymeen
۩ Muqtalif Naamo Ki Taraf Mansoob Hokar Ummat Me Tafarruqa Paida Karna
۩
 RASOOLALLAH KIS FIRQE SE THE???
Advertisements

Posted on February 7, 2014, in FIRQA-WARIYAT and tagged , , , , , , , , . Bookmark the permalink. 11 Comments.

  1. Jazak Allah khairan !!!

    Like

  2. Sheikh Ibn Uthaymeen ki Raae kuch is tarha hai salafio ke bareme:

    “Unke (Rasoolallah Ѕαℓℓαℓℓαнυ Αℓαyнє Ωαѕαℓℓαм ke) Bayan Se,

    Jo Koi Tum Maise Zinda Rahega Wo Kafi Ikhtilaf Dekhega. To Mery Sunnat Pe Amal Karna.
    (Isse) Ye Sikha Jaa Sakta Hai Ki Agar Ummat Ke Andar Bady Teedaad Me Jamaate Ubhar Kar Samne Aaye. To In Me Khud Ko Kisi Jamat Me Shamil Nai Karna Chaiye.

    Maazi (Past) Me, Bahut Se Aise Jamat Zahir Hue Hai (Jaise): Khawarij, Mutazilah, Jahmiyyah,Shiah, Aur Rafidah Bhi.
    Phir Baad Me Zahir Hue; Ikhwanis, Salafi, Tablighi Aur Tamaam Inki Tarah.

    In Sab Ko Ek Tarf Rakh De, aur Aage Chale.

    Isi Ki Taraf Nabi Ѕαℓℓαℓℓαнυ Αℓαyнє Ωαѕαℓℓαм Ne Hidayat Ki Hai: “Meri Sunnat Par Amal Karna, Aur Hidayat Yafta Khalifa Ki Sunnat Par.”

    Isme Koi Shak Nahi Ke Tamaam Musalmano Par Farz Hai Ki Wo Salaf As Saleh Ke Mazhab (Tarike) Ko Apna Mazhab (Tarika) Banae. Ummat E Islamia Ke Liye Farz Hai Ke Wo Salaf Ke Mazhab Ko Apne Mazhab Banae.

    Shiddat-pasandi Se Unlogo Ki Tarafdari Nahi Karni Chaiye Jo Apne Ap Ko Salafi Kahte Hai.

    Farq Ki Taraf Tawajjoh De.

    Ek Toh Salaf Ka Raasta Hai Aur Dusra Salafio Ke Naam Se Ek Jamaat (Hizb) hai.

    (Jamaat banane ka) Maksad Kya Hai?

    Salaf Ki Pairwi Karna.

    Kyun (Jamaat banana Fir) ? (matlab jamaat banaye bina bhi to pairwi ho sakti hai salaf ki)?

    Isme Koi Shak Nahi Ki Salafi Bhai Haq Ke Sabse Zyada Kareeb Hai.

    Lekin Inki Problem Bhi Wahi Hai Jo Dusre Firqo Ki Problem Hai,

    (Wo Yeh) Ki In Maise Kuch Firqe Dusro Ko Gumrah Kahte Hai, Woh Unhe Bid’dati (Innovators) Aur Gunah-Gaar Kahte Hai.

    Hum Is Tarha Ilzam Nahi Lagate, Wo Kyu Na Iske Mustahiq Hi Ho.

    Lekin Hum In Biddat Ki Muzammat Is Tarha Karte Hai, Ye Wajib Hai Ki In Firqo Ke Rehnuma (leaders) Ek Sath Aye Aur Kahe Ki Hamare Darmiyan Allah Ki Kitab Aur Rasool Allah Ki Sunnate Hai. Isliye Ham Iske Zarye Faisla Kare Na Ki Apne Khwahisho Ya Raae Ke Zarye Aur Na Hi Shakshiyato Ke Zarye. Har Shaks Se Galti Hoti Hai Aur Durustgi Bhi Hasil Hoti Hai Wo Kyu Na Wo Ilm Aur Ibadat Ke Hawale Se Kisi Bhi Mukam Par Pahoch Gaya Ho.

    Deen Islam (Quran, Sunnat) Hi Sirf Galti Se Paak Hai. (Na ki koi shakshiyat)

    Hadith Me RasoolAllah Ne Us Raste Ke Taraf Hidayat Di Hai Jisme Ek Shaks Mahfuz Kar Sakta Hai Apne Ap Ko. (Aur Iska Hal Ye Hai Ki) Wo Apne Apko Kisi Bhi Firqe Se Nah Milata. Sirf Salaf As Saleh Ke Aur Nabi Ѕαℓℓαℓℓαнυ Αℓαyнє Ωαѕαℓℓαм Ke Tarike Par Aur Khulfa E Rashideen Ke Tarike Par (Chalta Hai).””

    source: https://www.youtube.com/watch?v=PAwdFii9gKI

    Like

  3. MUHAMMAD UMAR FAROOQ

    Jazakallah Allah apke elm may barkath ata farmay.Ameen

    Like

  4. Shaykh Muhammad ibn ‘Uthaymeen ne farmaya

    Jadeed daur me Kuch log jinhone salafiyyah ka rasta apnaya unlogo ne har us shaks ko gumraah kahna shuru kar diya jo unse ikhtilaf karta hai yaha tak ke agar wo shaks sahih ho, aur kuch logo ne Hibz ka rasta apnaya jis tarha se dusre groh(parties) ne apnaya tha jo apne ap ko Mazhab e Islam se hone ka dawah karte hai. Ye kuch aesa hai jo na-pasandida hai aur jiski manzuri nahi di ja sakti, aur unlogo se ye kahna chaiye: Salaf as saleh ke tarike ko dekho, wo kya kiya karte the? Un ke tarike ko dekho aur kaise wo khule dil ke the jab ikhtilaf ki surat aati thi jisme ijtihaad jaiyz hai (aur ikhtilaf kabile qubul hai). Woh bade masail me bhi Ikhtilaf karte the, eeman aur amal ke masail me. Ap ko kuch chize milengi, jaise, RasoolAllah ѕαℓℓαℓℓαн нυ αℓℓαyнє ωαѕαℓℓαм ka Allah ko dekhne pe inkar karna jab ki dusro ne kaha ki unhone dekha hai. Apne kuch ko ye kahte hue dekha hoga ki qayamat ke din jo chiz tauli(weighted) jayegi wo hai aamaal jab ki dusre log kahte the ki wo to aamaal ki kitab hai jo tauli jayengi. Ap unhe dekhenge ki wo Fiqh ke muamlo me bhi kafi had tak ikhtilaf karte the, jaise Nikah, wirasat ka hissa, khareed aur farokhqt, aur dusre muamlo me. Lekin is ke bawujud unhone ek dusre ko gumraah nahi kaha.

    Salafiyyah ek khas Jamaat ke taur par jiski alag khushusiyat ho jisme log un logo ke siwa sabko gumraah kahe, in logo ka salafiyyah se kuch lena-dena nahi hai. Jaha tak ke salafiya jiska matlab salaf ki pairwi karna eeman me, kalimaat aur aamaal me, ittihad, mutabqat aur shafkat aur muhabbat ke taraf bulana jaisa ki RasoolAllah ѕαℓℓαℓℓαн нυ αℓαyнє ωαѕαℓℓαм ne farmaya: “Momin ke Misaal ek jism me Muhabbat, rahmat aur shafkat ki tarha hai; jab koi ek hisse me takleef hoti hai toh fir baaki hissa bhi us ke sath jaagta hai aur bukhar me shamil ho jata hai- YE ASAL SALAFIYYAH HAI

    [Liqaa’aat al-Baab al-Maftooh, 3/246]

    Like

  5. Jazak’Allahu’Khairan’Kasheera….🌹

    Like

  6. Assalam o alaikum warahmatullahi wabarakatuhu……. ji baat sahih hai….. main bhi yahi chahunga jaisa Allah Subhanahu Ta’ala ne jis naam se humein mukhatib kiya hai wahi ho,,, aur hadees se dalil bhi hai,……. lekin ek baat samajh mein nahi aarahi ke, “Shia log bhi apne aap ko musalman kehte hai “, aur “Ahle Quran” bhi aur “Mirzaai” wa “Qadyaani ” log bhi khud ko musalman kehte hai, balke wo kehte hai ke hum hi musalman hai…….. Unhe Qadyani keh kar wo apne aap ko nahi bulate balke wo bhi musalman hi kehte hai, agar category khatam kardiye to unmein aur hum mein kya farq dikhega (external )….Aqeede ke hisaab se wo log alag hai aur Aqeeda hi to sahih hona lazmi hai…… to yeh category Aqeede ke hisaab se rakhi gai hai….. haa agar chhoti chhoti baato ( Qayas ) ke bina pe nahi honi chahiye… un mein to ikhtelaaf hoga, lekin ye ikhtelaaf new group banane tak nahi jana chahiye…………….

    Like

    • Wa alaykum assalaam warahmatullahi wabarakatuhu.. Pahli baat ki fark ye hoga ki wo sirf Muslalman nahi hai lekin ham sirf Musalman hai. Wo pahle Muslim honge fir shia ya aur koi lekin ham pahle bhi Muslim hai aur aakhir me bhi Muslim hai.
      Dusri baat fark karne ki hame tension nahi honi chaiye, Wo Allah jiske liye ham har ibadat karte hai wo fark kar lega. Hairani ki baat hai ki hame amal karne ke liye itni tension nahi hoti jitna khud ko kisi firqe ya jamaat se mansub karne ki hoti hai jab ke kabr aur qayamat me Gairullah ka diya hua title nahi bachaiyega lekin hame hamara aamaal bachaeyega.

      RasoolAllah ke zamane me Munafik,khariji aur Mutazali the lekin fir bhi RasoolAllah ne ya sahaba ne kabhi nahi kaha ki chalo ek naya naam dete hai khud ko lekin unhone apne apko sirf Muslim hi kaha to fir jab aaj itne firqe hai tab ye ham par bhi lazim hai ki ham apne apko sirf Muslim kahe taaki RasoolAllah ke is tarike (sunnat) par bhi amal ho sake.

      Like

  1. Pingback: Muqtalif Naamo Ki Taraf Mansoob Hokar Ummat Me Tafarruqa Paida Karna | Iqra'

  2. Pingback: IMAM BUKHARI KA AHLUL HADITH KO JANNATI JAMAAT KAHNA | Iqra'

  3. Pingback: KHUD KO SIRF TEEN (3) NAAM DENA HI SALAF KA TARIKA THA | Iqra'

  4. Pingback: Dr. Zakir Naik – Firqa-Parasti | Iqra'

Let's Hear It!

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: