SHIRK KYA HAI?

Allah pak farmate hai

Beshak Allah nahi bakshega ki us ke sath shirk kiya jaye aur baksh dega jo is ke ilawa hoga, jise wo chahega. Aur jo koi Allah ke sath shirk kare, toh wo gumraahi me boht dur nikal gaya.

Surah Nisa, ayat 116.

Halanki shirk se mutallik aur bhi boht si ayat is surah se piche guzar chuki hai lekin ye ayat boht hi aham hai jisme shirk karne wale ki muafi ki koi ummeed nahi.

Shirk kya hai?

Shirk hai, shareek karna Allah ke siwa kisi makhlook ko, ibadat , muhabbat, Taazeem me, Allah ke barabar samajhna. Allah taala ki makhsoos sifaat me; maslan, Khaliq, Raziq, Hajat rawa, mushkil kusha. Allah taala ki in sifat me kisi aur ko shareek samajhna ki koi aur bhi ye sab kuch kar sakta hai.

Qayamat ke din mushrikeen kahenge

“Allah ki kasam ham khuli gumraahi me the jab ham tumko Rabbul-aalameen ke barabar karar dete the.”

Surah-ashurah,aayat-97-98.

Iska matlab Allah ke barabar kisi ko karar dena, uski zaat me, uski sifaat me, uske hukuk me, uske ikhtiyaraat me, Yahi Shirk Kahlata Hai.

Shirk ko Zulm bhi kaha gaya hai. Zulm kisi ke haq me kami ke liye istemal hota hai. Allah ka haq ye hai ki uske barabar kisi ko na samjha jaye, kisi bhi chiz me, uski kisi bhi sifat me, uski hasti ki kisi bhi pahlu me. Aur agar koi aesa kare to wo aese gunah ka aetekab kar raha hai ki jiski muafi nahi. Yaad rakhiye ki gunah kai kism ke hai. Kuch aese hai jo insan bhul chuk me khata kar jata hai aur fir us ke baad neki karta hai to har neki khata ko mita deti hai. Kuch gunah aese hai ke jin ke liye sirf neki karna kaafi nahi balki unki bataur e khas muafi mangna bhi zaruri hai. Jab insan un gunaho par muafi mangta hai to wo muaf ho jate hai. Kuch gunah aese hai ki jin par sirf muafi bhi kafi nahi jab tak ke insan un huquq ki adayegi na kare jo wo kisi ke haq me maar raha hai; maslan kisi ki chori ki ya kisi ki ilzam-tarashi ki. Toh aese me jab tak ke wo chiz sahib e haq ko wapis na ki jaye, uska nuksan na pura kiya jaye, us shaks se muafi na mangi jaye jaise huquq al ibaad me kotahi, to us waqt tak wo gunah muaf nahi hote. To shirk bhi un gunaho maise ek gunah hai ki jis par insan jabtak sache dil se muafi mang kar fir ayinda ke liye wo kaam chhor na nahi deta us waqt tak muafi nahi ho sakti.

Shirk, sabse bada Gunaah

RasoolAllah ѕαℓℓαℓℓαнυ αℓαyнє ωαѕαℓℓαм ne farmaya ki sabse bada gunah ye hai ki tum Allah ke sath kisi ko shareek karo, halanke usne tujhko paida kiya.

Bukhari 4477, Muslim 86.

Shirk karne ka nuksaan kya hai

…Jo bhi Allah ke sath shirk kare, Allah ne us par jannat ko haraam karar diya hai aur uska thikana aag hai aur in zalimo ke liye koi madadgaar nahi.

Surah al Maida ayat 72

Shirk ka sabse bada nuksan ye hai ki shirk karna wale par jannat haraam hai. RasoolAllah ѕαℓℓαℓℓαнυ αℓαyнє ωαѕαℓℓαм ne farmaya,

“Jo koi is haal me mare ki wo Allah ke siwa kisi aur ko pukarta ho to wo jahannam me dakhil hoga.

[Bukhari4497,Muslim 92].

Shirk ke sath nek aamaal fayda nahi dete:

Shirk nek aamaal ko aag ki tarah jalata chala jata hai. Quran e paak me Allah taala ne Hazrat Ibrahim, Ishhaq, Yakoob, Dawood aur suleman alaihimussalam samet 18 paigambaro ka naam lekar farmaya,

“Agar ye sab shikr karte(18 Ambiya jinme ye sab bade bade Ambiya shamil hai) to inke bhi aamaal inse zaya ho jate.”

To Khah koi paigambar bhi kyu na ho lekin agar wo bhi shirk kare to unke bhi aamaal zaya ho sakte hai.

Shirk ki jadd(root):

Shirk ki sabse bunyadi wajah ya sabse bunyadi sabab kisi ki Muhabbat me gulu hai. Kisi bhi nek insan, kisi bhi Paigambar ke Muhabbat me gulu, muhabbat me hadd se badhna. Gulu hadd se badhne ko kahte hai. Hadd se badhne ka matlab ye hai ki insan, us insan me atak kar Allah ke ahkaam ko bhul jaye. Allah ke hudud ko paamaal karne lage. Us insan ki Muhabbat Allah ki Muhabbat se badh jaye.
Qaum e Nooh ki misaal apke samne hai ki unke bade bade but; yadd, swaa, Inko wo pujte the aur ye unke Qaum ke buzurgaane-deen ke nek logo ke but the. In ke yaha jab koi shaks boht nek hota aur apni neki me boht mashhoor ho jata to log uski baat ko Allah ki baat ke barabar ya usse bhi badhkar karar dene lagte. Aur jab wo faut  ho jata to uski but bana kar use pujne lagte aur kahte ki inhone hamko Khuda se milaya hai, Lihaza hamare Khuda yahi hai. Jese ek Urdu ka bhi sher hai

                           “Haqeeqat me dekho to khwaja Khuda hai

                                       Khwaja ke dar pe sajda rawa hai”

Ab ye Moiniddeen Chishti ke taraf ishara hai. Khwaja ko Khuda kaise banaliya hai unhone khud se?,  Kyunki wo pahle khwaja se impress hue phir unki ibadat se phir unke taqwa se Phir unse mohabbat karne lage Phir unki mohabbat aqeedat me badly aur aqeedat shirk me badal gaya, iska ye matlab nahi ke kisi se Mohabbat nahi karny chahiye.

Jahan Allah ki Khatir ki hui Muhabbat insan ko arsh e elahy ke saye tale jagah degy Wahi Muhabbat me had se badhna, Had se badhne se murad kya hai? Ye hai ki Allah ke hukum ko piche chor dena Aur uske hukum ko agee le aana, Allah ko sajdah karne ke bajaye unko sajdah karne lagna, Allah se dua mangne ke bajaye unke aage duae mangne lagna, Allah ki Muhabbat se badh kar unse mohabbat karne lagna, Kyun ki Quran majeed me ata hai, “Wo log jo imaan laye hai wo Allah ki mohabbat me sab se zyada shadeed hote hai”. Iska ye matlab nahi hai ki kisi insan se mohabbat nahi honi chahiye Ya zyada mohabbat nahi honi chahiye.  Ap dekhe ke Nabi ѕαℓℓαℓℓαнυ αℓαyнє ωαѕαℓℓαм ki Muhabbat hai To apki Muhabbat Eemaan ka hissa hai, Koi shaqs us waqt tak momin nahi ho sakta jab tak wo Ap ѕαℓℓαℓℓαнυ αℓαyнє ωαѕαℓℓαм ko apne walidain se, apni aulad se, tamaam insano se badh kar mohabbat na kare, Lekin us mohabbat ki limit kya hai? Sab insano se zyada lekin Allah ke barabar nahi Kyun ki agar barabar agaye to ye shirk ho gaya, ya Allah se badh kar bhi nahi, kyunki ba’az awqaat kya hota hai, Allah se bhi badha dete hai jaise Haaly ne kaha tha ki “Paighambaro ka rutba Khuda se badhaye”.

 Masalan eesaiyon ke paas shirk kaha se aya, Hazrat Eesa(a.s) ki mohabbat wo me is had tak badhe unki aqeedat aur ehtraam me ke unhe Khuda ka beta bana diya, Kisi bhi nek insaan ki mohabbat ek pasandeedah amal hai Jaise ek shair hai, “mai neak logo se mohabbat rahta hoon halanke mai un me se nahi hoon”, Ye ummeed par ki shyad Allah mujhe bhi neki ki taufeeq de. Kyunke insan jis se mohabbat karta hai usy ke naqshe qadam pe chalta hai, aur iska sila kya hai kisi naek insaan se mohabbat karne ka Hadees me aata hai, “Insaan usi ke sath hoga jis se wo mohabbat karta hoga”. Sahaba e kraam kahte hai ki is hadees ko sun kar hame itny khushy hui ke shayad is se pehle kabhi hui ho. Kyunki hum Huzoor ѕαℓℓαℓℓαнυ αℓαyнє ωαѕαℓℓαм ko apni jaan maal har cheez se badh kar chahte the. Aap ѕαℓℓαℓℓαнυ αℓαyнє ωαѕαℓℓαм se bahut zyada mohabbat rakhte the Isi tarah baad ke atwaar me bhi Ya’ani Aap ѕαℓℓαℓℓαнυ αℓαyнє ωαѕαℓℓαм ka muqaam to apka hai Phir uske baad hum dekhte hai ke Jaise ahle baith hai, Aap ѕαℓℓαℓℓαнυ αℓαyнє ωαѕαℓℓαм ke ghar wale Phir uske ba’ad deegar neak log hai, jaise saleheen jis ke piche zikr padha, Kisi bhi saleh insan jisko ap neak samjhte ho asal neki to Allah hi ko pata hai kisi ki, Hum kisi se uska muamla sirf uske zahir par karte hai.

Dilon ka haal hum nahi jante ke koi andar se kya hai lehaza kisi bhi insaan jisko aap nek samjhte ho aur us se aap muhabbat rakhte ho, khwah wo moujuda daur ka ho ya pichle daor ka, isme koi burai nahi. Masalan Aap dekhte hai ki jab hum Muslim Heros me muqtalif sahaba ya sahabiyat ka padhte hai to hamary ankhos se ansu ajate hai. Ba’az auqaat hamare dil me unke liye bohut mohabbat paida hoty hai, isme koi haraj nahi, neak logo se mohabbat karna unke raste pe chalna, unke tareeqe ko apnana,unko apna ideal banana isme koi burai nahi hai.
kyun?
isliye ke Quraan pak me ata hai, “hame sidha rasta dikha un logo ka rasta jin par tune in’am kia” ya’ni jinhe tune hidayat di, jo tery taraf jate hai, tujhse milate hai, tujh se jodte hai, to koi aisa insaan khwah maazi ka ho ya haal ka ho khwah kisi mulk shaher ka ho,
koi bhi insan jisse talluq Allah ki mohabbat me izafe ka sabab bane.  Allah ta’ala ke qhurb(nazdeeki) ka sabab bane,wo saary mohabbat jayez hai aur pasandeeda hai aur ek tarah se ibadat hai. Aisy hi mohabbat ibadat hai, har mohabbat ibadat nahi hoty.

Fir is ke baad is me ehtiyaat kis cheez ki zarury hai? agar hum kisi bhi insaan se Allah ke liye mohabbat karte ho to kabhi aisa na ho ki us insaan ki kisi ghalat baat ko hum sahih kahne lage ya uske kisi ghalat amal ko hum sahih kahne lage, aur us tassub me mubtala ho kar us ke haq me dalail dene shuru karde ke nahi nahi chunke ye baat falan ne farmai hai, aur falan mera pasandeeda hai, lehaza agar wo ghalt bhi kahega to mai usko bhi sahih samjhunga, Nahi!!”

Koi bhi insaan Allah aur uske Rasool ki baat se takraty hui baat kahe to uski baat nahi lii jayegy. Khwah walidain hi kyun na ho, aulaad hi kyun na ho, ustaad hi kyun na hoo, koi aur insaan hi kyun na ho, kyun ke jahan mohabbat ibadat hai wahan mohabbad me etedaal se badhna shirk ki taraf lee jata hai. Ab ye ek bareek sa farq hai, Aap me se har ek ko ye farq maloom hona chahiye. Kyunke humne dekha hai ke hamare yahan aksar do extreme hai. Ya to ek aisy extreme hai jo kisi bhi nek insaan ka aisa garbeedah bana dety hai ke Allah, Rasool, Deen, Ta’aleem Shariyat, har chiz bhul jaty hai. Sab shariyate piche chali jaty hai. Sab Allah ke hukum piche namaaz roza se bhi jate hai log wo khte hai ki yahi hamare sab kuch hai. ye hame aage paar kara denge. Ye ek exteme hai kya karte hai, unke naam par qurbani karte hai unke naam par sadqah, khairaat, nazar wa niyaz dete hai.  Fir unko unhi se apne tamaam rishte istewar karte hai, hat’ta ke Allah se mangna bhul jaate hai aur unse mangna shuru kar dete hai, unke dar pe sajdah rawah hai kahna shuru kar dete hai,
ye ek extreme hai.

Dusry extreme kya hai?

Ke insaan har mohabbat ko ye keh ke khatam karde ke nahi ye to shirk hai, ya kisi se bhi zyada mohabbat nahi karny chahiye ke ye napasandedah hai, nahi” ya’ani aap kisi se bhi kahin tak bhi mohabbat kar sakte hai, napasandedah us waqt hoty hai wo jab Aap uske hukum ho eham qarar de aur Allah ke hukum ko pichee kar de. Uski sohbat me baith ke aap namaz taqeer se padhe,
ke ji hum Allah ki baate kar rahe hai kyun ki ba’az auqat insan kehta hai ki mujhe falan se Allah ki Khatir Mohabbat hai aur uski majlis me mai baith kar Allah ki mohabbat mehsoos kar sakta hoon. Ab aap baith gaye majlis me, ab aise baithe ke na aap khud namaz padhy na usko padhne dy, ya khud bhi padhi to deer se padhy,aur usko bhi deer kara dy hai. 
To koi mohabbat khwah kitny bhi Allah ke liye ho, lekin agar Allah ki khatir mohabbat karte hai, aur us mohabbat me.
nahi

Barehaal shirk ka darwaza yaha se khulta hai, kisi ki mohabbat me ghulu aur is tarah ke iske muqable me Allah ta’ala ki zaat piche chali jaye. Allah ke Rasool ѕαℓℓαℓℓαнυ αℓαyнє ωαѕαℓℓαм  ki sunnat piche chali jaye, aise me phir kya kia jaye? Ahtiyaat kaise ki jaye? kyunke insaan ke liye etedaal par qayam rehna nihayat mushkil hai. Aasaan hota hai ek taraf latak jana ya dusry taraf latak jaana, masalan chal rahe hai agar aap daye taraf kisi pe sahara le le to apko chalna asan hai, aur agar bayen taraf lele to asan hai, khud apne paaon par chalna ya sidhiyan utarna chadna kya hai? Mashaqat wala kaam hai lekin yahi etedaal Allah ko pasandeedah hai, ke aap na idhar jhuke is inteha pe na us inteha pe balki uske bar’aks etedaal pe qayam rahe. Etedaal pe qayam rahte hue mohabbat nihayat pasandedah hai,
wo kamon ko asaann kar dety hai, nekiyon ko asaan bana dety hai, wo kaam jo insaan aqal ke zariye salon me nahi karsakta wo mohabbat ke zariye ek jist me kar jata hai.

Allah se dua hai ki wo hame shirk jaise gunahe Kabira se bachae wo kyu na shirk e asgar ho ya shirk e akbar.

Advertisements

Posted on August 30, 2014, in Shirk and Tawheed and tagged , , , , , , , . Bookmark the permalink. 4 Comments.

  1. agr ALLAH talah se ziada shohar se muhabbat ho to wo bhi shirk mei aata hai?

    Like

  2. Muhammed iqbal khan

    Ye post ka sahi Quran o Hadith ke roshni me postmartem karna hai jo HAQ bat hai use Aap bataye

    []_ Assalamo_ alaikum_ []
    ————par t_1———— –
    sawal_ or_ uske_ jawab_quraan_or _ hadith_ se _sabit


    like [] comments [] share kare taake sabhi musalmano tak pahuch jaye
    allah or uske rasool ke bataye huye tariko par chle”aameen


    only [] 10_ sawal_ or_uske_jawab
    Q .1 :-keya ummate mohammadiya kabhi sirk me mubtala hoga ,

    jawab :- mere aaqa alaihissalam farmate hai , khuda ki kasam mujhe tum par koyi khaof nahi ke mere baad tum sirk karoge .
    [] shai bukhari , jild_ 2 _ pag_975

    Q.2 :-keya esale sawab karna jaez hai

    jawab :-hazrate shad radiallah ho ta-aala anho ne araj ki ya rsoolullah s a w meri maa ka intekal ho gaya to kon sa sadqa afzal hai ,
    farmate hai pani ka,feer unho ne kuwan khudwaya or farmaya ki ye kuwan ka pani shad ki maa ka hai

    [] abu daaud_jild_1 [] pag 236 []
    []_mushnad-e-ah mad_jld _5 [] pag_275
    []
    []behiqee_shan _kubra[]jld_4 [] pag_185[]

    Q.3 :- keya allah ke nek bando se mangna jaez hai ,

    jawab :- sarkar alaissalato assalam farmate hai ke jab kisi ka kuchh kho jaye ya wo madad chahta ho oe wo aisi jagah ho jahan koyo gamkusar (madad karne wala) na ho to wo aise kahe aye allah ke nek bando meri madad karo .

    [] tibrani_ibn_abi shahba [] pvo_ 22 _ []

    Q.4 :- keya nabi kabro me jinda hai

    jawab :- beshaq allah ne jamin par haraam kiya ke ambiya ke jishmo ko khaye paas allah ke nabi jinda hai or rijaq diye jate hai .

    []rawi_hazrate _darda_radialla h tala anhu
    []abu_daaud_ib ne_maja[] pag 1047[]

    Q.5 :-73 , firko me kon sa firqa zannati hai

    jawab :- mafhum_ bani israil ke 72_firke the mere ummat ke 73_honge ,
    or siwaye 1 ke tamaam jahannam me jayenge , []_ sahaba arj karte hai aaqa zannat wale kon
    honge ,
    aap s a w arj karte hai ke jo mere our mere sahaba ke tariko par amal karega .

    []tirmiji_shar if[]kitabul iman[] hth_# 2565_[]

    Q.6 :-keya allah ko wasila dekar mangna jaez hai ,

    jawab :- al_quraan_allah ke taraf wasila dhundho []al_maida#35 _[]
    mahfuj hai hadith , sarkar alahissalato assalam tumko fatah milti hai or roji di jati hai bujurgo our faqeero ke wasile se ,

    []miskat_sharf _babul_fukra[]

    Q.7 :- Keya aajan ke baad dorood padhna jaez hai ,

    jawab :- tajedare kayenat alaihissalato assalam farmate hai jab tum moazin se ajan suno to jis tarah kahe usi tarah kaho , fir mujhpar doroodo salam padho or mere wasile se duaa mango .

    []miskat_shari f_pag# _64 _[]

    Q.8 :- keya rabiulawwal ke mahine me jhanda lagana , jaez ha ya_biddat hai

    jawab:- aaqa alaihissalato assalam jab duniya me jalwagar huye to shabe wiladat hazrat jibraeel a salam ne _ 1 jhanda kabe ki chhat par awezan kiya lagaya [] jhanda masriko , magribo , lahrayrn ,Ehteram allah ke taraf se tha ,

    []sirate_halba ya[]jild _1_pag _#_109[]

    Q.9 :- keya jalus nikalna sahaba ka sunnat hai ,

    jawab :- jab aaqa alaissalato assalam hizrat karke madina sharif aaye to logo ne khub jashn manaya , nojawan larka apne chhat par chadh kar or gulame khuddam rasto me firte the , our _ nare resalat laga rahe the []_ our kahte log ya_rasoolullah

    []muslim _sharif[]jild _2[]pag#_419 _[]

    Q.10 :- keya allah ke waliyo ko sal me deen moqarrar karna jaez hai ,

    jawab :- ibne_abi_shahib a radiallah ho tala anh _ rawi_ hai ke sarkar alaihissalato assalam har sal shohda_ ke majar par ja kar unhe salam karte , our nabi ki sunnat ki adayegi ke liye charo khalifa bhi aisahi karte ,

    []muqaddama_sh ami jild_ 1_ []

    Like

Let's Hear It!

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: