FIRQA WARIYAT KE MUTALLIK CHAND SAWAL

 

۩1  SAWAL: 

Assalam o alaikum warahmatullahi wabarakatuhu……. ji baat sahih hai….. main bhi yahi chahunga jaisa Allah Subhanahu Ta’ala ne jis naam se humein mukhatib kiya hai wahi ho,,, aur hadees se dalil bhi hai,……. lekin ek baat samajh mein nahi aarahi ke, “Shia log bhi apne aap ko musalman kehte hai “, aur “Ahle Quran” bhi aur “Mirzaai” wa “Qadyaani ” log bhi khud ko musalman kehte hai, balke wo kehte hai ke hum hi musalman hai…….. Unhe Qadyani keh kar wo apne aap ko nahi bulate balke wo bhi musalman hi kehte hai, agar category khatam kardiye to unmein aur hum mein kya farq dikhega (external )….Aqeede ke hisaab se wo log alag hai aur Aqeeda hi to sahih hona lazmi hai…… to yeh category Aqeede ke hisaab se rakhi gai hai….. haa agar chhoti chhoti baato ( Qayas ) ke bina pe nahi honi chahiye… un mein to ikhtelaaf hoga, lekin ye ikhtelaaf new group banane tak nahi jana chahiye…………….

 Jawab:

Wa alaykum assalaam warahmatullahi wabarakatuhu.. Pahli baat ki fark ye hoga ki wo sirf Muslalman nahi hai lekin ham sirf Musalman hai. Wo pahle Muslim honge fir shia ya aur koi lekin ham pahle bhi Muslim hai aur aakhir me bhi Muslim hai.
Dusri baat fark karne ki hame tension nahi honi chaiye, Wo Allah jiske liye ham har ibadat karte hai wo fark kar lega. Hairani ki baat hai ki hame amal karne ke liye itni tension nahi hoti jitna khud ko kisi firqe ya jamaat se mansub karne ki hoti hai jab ke kabr aur qayamat me Gairullah ka diya hua title nahi bachaiyega lekin hame hamara aamaal bachaeyega.


 

۩2. SAWAL

SAWAL:- Aapne jo Quran aur sunnah ka hawala diya ki RasoolAllah ne apne apko sirf Muslim kaha to wo to ham mante hai lekin RasoolAllah ke zamane me sirf ek jamaat thi RasoolAllah ki aur wahi log haq par the to isliye zarurat hi nahi padi koi aur naam dene ka. Lekin aj boht se grp ho gaye hai to isliye aj zaruri hai ki ham batil se alag rahne ke liye kisi ek group me shumar ho.

 

JAWAB:-

Pahli baat, agar koi ye kahta hai ki RasoolAllah ke time par sirf ek jamaat thi aur koi jamaat nahi to ye ek galat fehmi aur ilm ki kami hai kyuki jab ham hadith ka mutalla karte hai to hame pata chalta hai ki RasoolAllah ke time par bhi gropus the.

RasoolAllah ke zamane me Munafik log the, wo munafik the sahabao ne fir bhi apna lakab nahi badla. Unke zamane me khariji(Khawarij)  bhi the, wo apne ap ko khawarij kahte the par sahaba fir bhi apne apko muslim kahte the. Kya sahabao ne kaha ki chalo apne ap ko naya naam dete hai? NAhii!!! sahaba apne ap ko fir bhi sirf muslim kahte the. Rasool ke zamane me Mutazali(Mutazalites) bhi the lekin sahaba ne fir bhi apne ap ko sirf muslim kaha. Toh RasoolAllah ke zamane me bhi ikhtilaf tha fir bhi unlogo ne apne ap ko sirf Muslim hi kaha.

Dusra point, sochne ki baat hai ki kya Allah ko pata nai tha ki Muslim ummat group me bat jayega?? Beshak pata tha lekin kya Allah ne quran me kisi jamaat ka naam liya kya ki jab ummat bat jayegi to is naam ke firqe ya jamaat me shamil ho jana. Lekin lagataar Allah pak quran me apne apko muslim kahne ki targeeb dilate hai aur sunnat me bhi RasoolAllah ne isi naam se judne ka hukm diya hai boht si hadeeso me. Aur Allah ke diye hue naam ke alawa dusre naam se judne par RasoolAllah aur salaf ne jahannam ki aag ki saza se dhamkaya hai lekin fir bhi kuch log ko Quran, Sunnah aur salaf kaafi nahi hote aur na hi Allah ka diya hua naam unhe kaafi hota hai. Un maise kuch khud to dusro ko takleed karne se rokte hai aur khud apne firqe ki takleed par jame rahte hai. Allah hame hidayat de, buzurgo aur ulmao ko choor kar Quran aur sunnat par chalne ki taufeek ata kare. aameen. 


 

۩3. SAWAL

Hame Muhaddiso jaise Imam Bukhari wagaira ki kitabo me milta hai ki in Muhaddiso ne kaha tha Jo ek firqa Jannat me jayega wo ahle hadith hoga. Lekin Aapne Quran aur hadith ke hawale se bataye hai aur sabit bhi kiya ki RasoolAllah aur salaf ka aqidah tha ki wo apne apko sirf Musalman kahna pasand karte the aur jo ye na karta use salaf jahannam ke azaab se darate the. To ye kaise ho sakta hai ki in bade muhaddiso ne in hadith ko na samjha ho aur ahle hadith ka laqab istemal kiya ho, jabki wo to hamse behtar Quran aur sunnah ke samajhne wale the.

 

JAWAB:- https://iqrakitab.wordpress.com/2015/12/08/imam-bukhari-ka-ahlul-hadith-ko-jannati-jamaat-kahna-ka-matlab/


 

۩4 SAWAL

Deobandi bhi aur berelwi bhi Quran aur hadees pe amal karne ka dawah karte hy. To new Muslim kaisa pehchane ga ki Kon sahii me Quran aur hadees pe amal karne wale he?

 

JAWAB:- 

Islam ka base log ya ulema nahi hote.. Islam ka base Quran aur sunnah hota h..  Aur ham haq ulamao ki pahchan unke title se nahi karte warna barelwi aur deobandi ulema bhi apne apko ahle sunnat se hone ka dawa karte hai. Ham un ulema ki baat sunte hai jo Quran aur sunnah aur salaf ke fahm ke mutabik hame batate hai. To jab wo gair Muslim se Muslim banne ki aql rakh skta h to Kya itta aql nai rakh skta ki kaun se ulema ki baat suni jaye. Isliye Ulema bhi kitab wa sunnat par parkhe jayenge.    Aur salafi me bhi to divisions h.. Agar salafi naam rakh bhi le to ye kaise pata chalega ki kis salafi aalim se ilm Lena.. Madkhali salafi se ya sururi salafi se ya kisi aur salafi se, ek salafi ulema dusre salafi ulema galat kahte hai aur khud ko haq par kahte hai.


 

۩5 SAWAL

Berelewi aur shia se shadi kyun nahi karte…?? Wo bhi apne Aap ko Muslim bolte hai..?

JAWAB:-

Iska jawab ye hai ki koi aesi hadith nahi hai jaha par ye kaha gaya ho ki is firqe se shady kar sakte aur is firqe se nahi. Lekin RasoolAllah ne farymaya hai ki shady ke liye log 4 chiz dekhte, khandan, khubsurti, paise aur deen. To in maise deen ko dekho. To bhai ham is hadith ke bunyad par deen dekhte hai, sirf aqeedah hi nahi, ham aqida, ilm aur amal teeno dekhte hai. Aur jaise ki ap kahna chahte hai ki sirf ahle hadees se shady karo, toh bhai certificate kaha hai ki sirf aur saare ahle hadees jannat me jayenge (sirf Allah ya us ke Rasool ka certificate chalega). RasoolAllah ne bhi shadiya ki. RasoolAllah ne Hazrat Aisha r.a. se shady ki. Kya hazrat ayesha ne apne apko kabhi ahle hadith kaha ya unki biwioyo maise kisi ne apne apko ahle hadith kaha.Sahaba Ali r.a. ne Fatima r.a. se nikah ki. Kya Fathima r.a. ne kabhi apne apko ahle hadith kaha? Kabhi nahi kaha na, Fir ali r.a. ne shady kyu ki? aur RasoolAllah ne shady kyu ki ? 
Aur bhi log hai jo apne apko sirf Muslim kahna pasand karte jaise RasoolAllah, sahaba aur salaf ne khud ko kaha jo ki sahih aqide par hote hai alhamdulilah. Ye baat bilkul galat hai sirf sirf Ahle hadith hi sahih hote hai baaki sab galat hote hai. Koi sirf apne naam se jannat nahi jayega. Aqida, amal aur ilm teeno chiz zaruri hai. Aur zaruri nahi ki ye sirf ahle hadees pe payi jaati ho aur bhi jamaate ho sakti hai. Aur ahle hadees me bhi divisions hai jaise Jamiyat ahle hadees aur gurba ahle hadees. To ab mera sawal in do group maise kis group se nikaah ki jaye? 


 

۩6. SAWAL

 Hamare ahle hadees ulama Ke kitabe kyun padte hey aap log..??? Jawo jake sirf Muslim bolne walonak ulama ke pass Jake deen sikhe..

Jawab:-

Is sawal ka jawab dene se pahle mai ise ek ulema ka qaul batadu ki agar koi shaks salafiat ke taraf bulata hai kisi ko to wo batil hai. Ye qaul hai sheikh ibn uthyameen ka.

‘Until when will we differ’, page-36 by Sheikh Muhammad bin Saalih al-‘Uthaymeen. 

To jis shaks ne ye sawal kiya hai pahle use tauba karna chaiye jawab padhne se pahle. Warna ise to isi ke ulama ne hi baatil kaha hai ab iski kya value rahi.
Khair is sawal ka chota sa jawab hai ki Ap sirf unhi ki hadeeth kyu padhte jinhone apne apko sirf Muslim kaha (yaani RasoolALlah) uski hadith jakar padho na jisne apne apko salafi ya ahle hadith kaha ho. Ummeed hai jawab mil gaya hoga. Dusri baat Bhai Aap kaun hote ho hame certificate dene wale ki kisse ilm le ya na le. Aapko apne kabr ka haal malum nahi hai ki apke sath kya hone wala h aur ap dusro ki kabr ka haal batane aaye ho. is case me sawal karne wale ko apne aql ka istemal wajib mahsus hota hame jisne is tarah ki firqa parasti wali aur hifz wali sawal kiye hai.


 

۩7.  SAWAL

Lakabi naam sirf muslim hi nehi he, aur bhi bohot sare he, Sahaba, tabei, tabe tabei, ansar, mujahir etc. To ye sab kehne wale bhi jahannam me jayega?

JAWAB:-

Iska jawab ye hai ki bhai pahle apko sikh kar aana chaiye ki lakabi naam kahte kisko hai, agar zarurat pade to dictionary bhi khareed le. 
Ye saare naam laqabi nahi hai amalan hai. kyuki, Sahaba rasoolAllah se eeman ki halat me mulaqat aur eeman ke halat me maut aane par hi usko kahenge, aese hi koi apna naam sahaba nahi rakhta, so ye amalan taur par hua matlab amal karne ke baad na ki laqabi taur par. Isi tarha Tabe Tabei, ansar, mujahir, namazi, rozedar, Haazi, etc. Ye sab amalan taur par naam hai. Laqab ke taur par Allah ne hamara naam Muslim, Momin aur RasoolAllah hi rakha hai. 
Is sawal ka dusra part hai ki kya jo apne apko sirf Muslim nahi kahte wo jahannam me jayenge. Iska jawab ye hai ki Jannat me kaun jayenge aur dozakh me kaun jayenge ye faisala karna Allah ka kaam hai ham kaun hote hai ye batane wale. Ham to ye bhi nahi kah sakte ki jo Apne apko sirf Muslim kahte hai wo jannat me jayega ki nahi. Ajeeb baat hai ki ye log biddatio ko samjhate hai ki Ilm e gaib sirf Allah ke pas hai lekin fir bhi ye hamse kal ki baate puchte hai jo ki gaib ka ilm hone wala hi bata sakta hai.


 

۩8.  SAWAL

Kisi ek Muhaddis ka naam batao, jisne ahle hadis kehne se mana kiya he.

 

JAWAB:-

Iska jawab ye hai ki kisi ek mohaddis ka naam bataiye jisne barelwi ya deobandi kahne se mana kiya ho. Nahii hai na kisi muhaddis ka naam. to ajse ap ahle hadees ke sath sath brelwi aur deobandi bhi kahna shuru karde.
Afsos ki baat hai ki ye log ahle biddatio se to kahte hai ki apne buzurgo aur ulemao ke muqableme hame RasoolAllah ki baat manni chaiye lekin ye khud abhi muhaddiso par atke hue hai. Allah aur Rasool aur salaf ke fahm se zyada ye Muhaddiso ki baato ko value dete hai. Bhai Aakhirat aur kabr me ye sawal nahi hoga ki jab Muhaddiso ne apko kisi chiz se mana kiya tha to apne ye amal kyu kiya balki Akhirat aur kabr me ye sawal hoga ki jab Allah aur uske Rasool ne apko ek amal karne se mana kiya toh apne ye kyu kiya apne. Kabr aur Aakhirat me apse sawal hoga ki jab Sunan Tirmidhi (Vol. 1, Book 42, Hadith 2863.) ki hadees ap tak pohch gayi thi ki apne apko sirf us naam se pukaro jo naam Allah ne tumhara rakha hai aur wo hai Muslim, Momin aur Abdullah . Fir apne ye hadith ko nazarandaaz kyu kiya. Kyu is hadith ke munkir ban gaye jaise munkar e hadees hadeeso ko nahi mante.

Advertisements
%d bloggers like this: